مبادرة الرئيس للتمويل العقاري لمحدودي الدخل معلومات تهمك
بخصوص المبادره د ى وعشان نحاول نشرح الموضوع ببساطه انتا بتشوف الشقه اللي تعجبك في المكان اللي يعجبك بشرط يكون الشقه فيها شوية حاجات مينفعش تبقي ناقصه حاجه منها ١ . العقار قانوني ١٠٠/٪ ٢ . الشقه متشطبه وكاملة المرافق وجاهزه للسكن يعني ماتروحش تشوف حاجه نص تشطيب وتقول للبنك تعالي عاين ٣ . العقار والشقه المحدده لا يوجد عليها اي خلاف قانوني او انشائي ٤ . اخطار من المالك للبنك بتمن الشقه ومرفق معاه صور من التراخيص للبنك . بالنسبه للمقدم وتمن الشقه فبيكون الحد الاقصي لمحدودي الدخل تمن الشقه ٣٥٠ الف بحد اقصي والبنك بيدفع ٨٠ ٪ وانتا بتدفع ٢٠٪ والقسط بيتحدد علي حسب تمن الشقه اللي انتا جبتها دى الحاجات الاساسيه ولما بتكون متوفره في العقار اللي انتا عاوزه بتروح اي بنك تبع المبادره وتقدم ورقك والاستلام بيكون فوري بعد الانتهاء من الاجراءات اللي بتاخد من اسبوع الي شهر بالكتير
